ചെറുപുളിയും കുരുമുളകിന്റെ ചൂടും , ഇതാണ് യഥാർത്ഥ ബീഫ് ഫ്രൈ

ആവശ്യമുള്ള സാധനങ്ങൾ : -
ബീഫ് - 1 കിലോ
സവാള – 2 എണ്ണം
ഇഞ്ചി , വെളുത്തുള്ളി ചതച്ചത് – 1 ½ ടേബിൾ സ്പൂൺ
കുഞ്ഞുള്ളി ചതച്ചത് – 10 എണ്ണം
മുളക് പൊടി – 1 ടേബിൾ സ്പൂൺ
മല്ലിപ്പൊടി – 2 ടേബിൾ സ്പൂൺ
മഞ്ഞൾ പൊടി – ¼ ടീ സ്പൂൺ
ഗരം മസാല – ½ - ¾ ടീ സ്പൂൺ
ഇറച്ചി മസാല – 2 ടീ സ്പൂൺ
പെരും ജീരകം ചതച്ചത് – ½ ടീ സ്പൂൺ
കുരുമുളക് ചതച്ചത് – 1 ടീസ് പൂ ൺ
തേങ്ങാക്കൊത്തു – ½ മുറി തേങ്ങയുടെ
എണ്ണ , ഉപ്പു , കറിവേപ്പില - ആവശ്യത്തിനു

ഉണ്ടാക്കുന്ന വിധം :-

ബീഫ് നുറുക്കി കഴുകി വാരിയതിനു ശേഷം മുളക് പൊടി, മല്ലിപ്പൊടി, മഞ്ഞൾ പൊടി, ഉപ്പു എന്നിവ പുരട്ടി ഒരു മണിക്കൂർ വെക്കുക.

അതിനു ശേഷം കുക്കറിൽ 20 മിനുട്ട് വേവിക്കുക. 2, 3 ടേബിൾ സ്പൂൺ വെള്ളം ആവശ്യമെങ്കിൽ കുക്കറിൽ ഒഴിക്കാം.

ഒരു ഫ്രയിംഗ് പാനിൽ എണ്ണ ഒഴിച്ച് തേങ്ങാക്കൊത്തു മൂപ്പിചെടുക്കുക. അതിനു ശേഷം കറിവേപ്പില, സവാള, ഇഞ്ചി , വെളുത്തുള്ളി, കുഞ്ഞുള്ളി ചതച്ചത് എന്നിവ നന്നായി വഴറ്റുക.

അതിലേക്കു ഇറച്ചി മസാല, ഗരം മസാല എന്നിവ ചേര്ത്തു നന്നായി മൂപ്പിക്കുക.

അതിനു ശേഷം ഇതിലേക്ക് വേവിച്ചു വെച്ചിരിക്കുന്ന ബീഫ് ചേര്ത്തു നന്നായി ഇളക്കി യോജിപ്പിക്കുക.

10 മിനുട്ട് ചെറുതീയിൽ വെക്കുക. ബീഫ് നന്നായി ഫ്രൈ ആയി വരുമ്പോൾ പെരും ജീരകം ചതച്ചത്, കുരുമുളക് ചതച്ചത് എന്നിവ ചേര്ത്തു യോജിപ്പിച്ച് ചെറു തീയിൽ കുറച്ചു സമയം കൂടി വെക്കുക.