ഡൽഹി: ഇന്ത്യയിൽ സാംസങ് പുതിയ 5ജി സ്‍മാർട്ട്‌ഫോണായ ഗാലക്‌സി എ26 5ജി അവതരിപ്പിച്ചു. ഇതിൽ 8 ജിബി റാമും നൽകിയിട്ടുണ്ട്. 120Hz റിഫ്രഷ് റേറ്റും 1000 നിറ്റ്സ് വരെ പീക്ക് ബ്രൈറ്റ്‌നസ്സുമുള്ള 6.7 ഇഞ്ച് വലിയ ഫുള്‍എച്ച്‌ഡി+ സൂപ്പർ അമോലെഡ് ഡിസ്‌പ്ലേയുമായാണ് ഈ സ്‍മാർട്ട്‌ഫോൺ വരുന്നത്.
ഈ പുതിയ സ്‍മാർട്ട്‌ഫോണിൽ എക്‌സിനോസ് 1380 പ്രോസസർ ലഭിക്കുന്നു. അത് 8 ജിബി റാമും 128 ജിബി / 256 ജിബി സ്റ്റോറേജ് ഓപ്ഷനും ഉൾക്കൊള്ളുന്നു. ഇതുകൂടാതെ, ഇത് വൺ യുഐ 7.0 അടിസ്ഥാനമാക്കിയുള്ള ആൻഡ്രോയ്‌ഡ് 15-ൽ പ്രവർത്തിക്കുന്നു, കൂടാതെ 6 വർഷത്തെ സുരക്ഷാ അപ്‌ഡേറ്റുകളും 6 ഒഎസ് പതിപ്പ് അപ്‌ഡേറ്റുകളും ലഭിക്കുമെന്നും കമ്പനി പറയുന്നു.
വെള്ളത്തിൽ നിന്നും പൊടിയിൽ നിന്നും ഈ സ്‍മാർട്ട് ഫോൺ സംരക്ഷിക്കപെടുന്നുണ്ട്. ഈ സ്മാർട്ട്‌ഫോണിന്‍റെ ക്യാമറ സജ്ജീകരണത്തെക്കുറിച്ച് പറയുകയാണെങ്കിൽ, ഓഐഎസ് പിന്തുണയുള്ള 50 എംപി പ്രൈമറി ക്യാമറയാണ് ഇതിനുള്ളത്. ഇതോടൊപ്പം 8 എംപി അൾട്രാ-വൈഡ് ലെൻസും 2 എംപി മാക്രോ ക്യാമറയും ഇതിനുണ്ട്. അതേസമയം, സെൽഫികൾക്കും വീഡിയോ കോളിംഗിനുമായി ഫോണിൽ 13 എംപി മുൻ ക്യാമറയുണ്ട്.
പവറിന് വേണ്ടി ഫോണിന് 5000 എംഎഎച്ചിന്‍റെ ശക്തമായ ബാറ്ററിയുണ്ട്. ഈ ബാറ്ററി 25 വാട്സ് ഫാസ്റ്റ് ചാർജിംഗിനെ പിന്തുണയ്ക്കുന്നു. രൂപകൽപ്പനയുടെയും കണക്റ്റിവിറ്റിയുടെയും കാര്യത്തിൽ, സാംസങ്ങ് ഗ്യാലക്സി എ26 5ജി ഒരു സൈഡ്-മൗണ്ടഡ് ഫിംഗർപ്രിന്റ് സെൻസറാണ് ഉപയോഗിക്കുന്നത്.