ഒക്ടോബർ- നവംബർ മാസങ്ങളിലെ ഉത്സവ സീസൺ പ്രമാണിച്ച് സ്പെഷ്യൽ ട്രെയിനുകളുമായി സെൻട്രൽ റെയിൽവേ എത്തുന്നു. കേരളത്തിലേക്കും സ്പെഷ്യൽ ട്രെയിനുണ്ട്. പൂജ, ദീപാവലി ഉൾപ്പടെയുള്ള അവധികളിൽ കേരളത്തിലേക്ക് വരാൻ ആഗ്രഹിക്കുന്ന മലയാളികൾക്ക് ഏറെ ഉപകാരപ്പെടുന്ന തരത്തിലാണ് ട്രെയിൻ വരുന്നത്. 944 സ്പെഷ്യൽ ട്രെയിൻ സർവ്വീസുകളാണ് സെൻട്രൽ റെയിൽവേ പ്രഖ്യാപിച്ചത്. ട്രെയിൻ നമ്പർ 01461 തിരുവനന്തപുരം- ലോകമാന്യ തിലക് ആണ് ഒരു സെപ്ഷ്യൽ ട്രെയിൻ.
സെപ്റ്റംബർ 27 മുതൽ നവംബർ 29 വരെ വൈകിട്ട് നാലിന് തിരുവനന്തപുരം നോർത്തിൽ നിന്ന് പുറപ്പെടും. അടുത്ത ദിവസം രാത്രി 9.50 ന് ലോക്മാന്യ തിലക് ടെർമിനസിൽ എത്തിച്ചേരും. പത്ത് സർവീസുകളാണ് ഈ ട്രെയിനുള്ളത്. കേരളത്തിൽ കാസർകോട്, കണ്ണൂർ, കോഴിക്കോട്, തിരൂർ, ഷൊർണൂർ, തൃശൂർ, എറണാകുളം, കോട്ടയം, തിരുവല്ല, ചെങ്ങന്നൂർ, കായംകുളം, കൊല്ലം എന്നിവിടങ്ങളിൽ സ്റ്റോപ്പുണ്ട്. ട്രെയിൻ നമ്പർ 01463 ലോകമാന്യ തിലക് ടെർമിനസ്- തിരുവനന്തപുരം നോർത്ത് സെപ്റ്റംബർ 25 മുതൽ നവംബർ 27 വരെ എല്ലാ വ്യാഴാഴ്ചയും വൈകുന്നേരം നാലിന് ലോക്മാന്യ തിലക് ടെർമിനസിൽ നിന്ന് പുറപ്പെട്ട് അടുത്ത ദിവസം രാത്രി 8.45-ന് തിരുവനന്തപുരം നോർത്തിൽ എത്തിച്ചേരും. അതേസമയം സ്പെഷ്യൽ ട്രെയിനുകളിലേക്കുള്ള ബുക്കിങ് അടുത്ത ആഴ്ച തുടങ്ങും.
