ചേരുവകള്‍
ചോളം പുട്ടുപൊടി – ½ കപ്പ്
തേങ്ങ ചിരകിയത് – 1 കപ്പ്
ഉപ്പ് – ആവശ്യത്തിന്
വെള്ളം – ആവശ്യത്തിന്
തയാറാക്കുന്ന വിധം
ചോളം പുട്ടുപൊടി ഉപ്പും വെള്ളവും ചേര്‍ത്ത് നന്നായി മിക്‌സ് ചെയ്തു വയ്ക്കുക.ഇനി തേങ്ങ ചിരകിയശേഷം ഒരു പുട്ടുകുട ത്തില്‍ വെള്ളം ഒഴിച്ച് നന്നായി തിളച്ചു കഴിയുമ്പോള്‍ പുട്ടുകുറ്റിയില്‍ ആദ്യം രണ്ട് ടീസ്പൂണ്‍ തേങ്ങ ചിരകിയത് ഇടുക.അതിനുശേഷം ചോളം പുട്ടുപൊടി കുറച്ച് ഇടുക ഇതിനു മുകളിലായി കുറച്ച് തേങ്ങചിരകിയതും ഇടുക
ഇതേ ക്രമത്തില്‍ പുട്ടുപൊടിയും ഇതിന്റെയെല്ലാം മേലെ ഓരോ ലെയറായി തേങ്ങ ചിരകിയതും ഇട്ട് പുട്ടുകുറ്റി അടച്ച് പുട്ട് വേവിക്കുക.
പുട്ട് കുറ്റിയുടെ മുകളില്‍കൂടി നന്നായി ആവി വന്നതിനു ശേഷം തീ ഓഫ് ചെയ്ത് ഒരു പാത്രത്തിലേക്ക് പുട്ട് കുത്തിയിടുക.
