സാഹസം തിയറ്ററുകളിലെത്താന്‍ ഇനി രണ്ട് ദിനങ്ങള്‍ മാത്രം.എട്ടാം തീയതി വെള്ളിയാഴ്ചയാണ് ചിത്രത്തിന്റെ തിയറ്റര്‍ റിലീസ്. ബിബിന്‍ കൃഷ്ണയാണ് ചിത്രത്തിന്റെ സംവിധായകന്‍. 'ട്വന്റി വണ്‍ ഗ്രാംസ്' എന്ന ഹിറ്റ് ചിത്രത്തിന് ശേഷം ബിബിൻ കൃഷ്ണ സംവിധാനം ചെയ്യുന്ന ചിത്രത്തിന്റെ ടീസറും ഓണം വൈബ് ഗാനവും സോഷ്യല്‍ മീഡിയയില്‍ ട്രെൻഡ് ആയിരുന്നു. 'ട്വന്റി വണ്‍ ഗ്രാംസ്, 'ഫീനിക്സ്' എന്നീ ഹിറ്റ് ചിത്രങ്ങള്‍ നിർമ്മിച്ച റിനിഷ് കെ എൻ ആണ് ദ ഫ്രണ്ട് റോ പ്രൊഡക്ഷൻസിന്റെ ബാനറില്‍ ഈ ചിത്രവും നിർമ്മിക്കുന്നത്.
സംവിധായകൻ ബിബിൻ കൃഷ്ണ തന്നെയാണ് ചിത്രത്തിന്റെ രചനയും നിർവഹിച്ചിരിക്കുന്നത്. തമാശയും ആക്ഷനും കോർത്തിണക്കി അഡ്വഞ്ചർ മൂഡില്‍ കഥ അവതരിപ്പിക്കുന്ന സാഹസത്തില്‍ നരേൻ ,റംസാൻ, അജു വർഗീസ്, സജിൻ ചെറുകയില്‍, ജീവ ജോസഫ്, ബൈജു സന്തോഷ്, യോഗ് ജാപി, ഹരി ശിവറാം, ടെസ ജോസഫ്, വർഷ രമേശ്, വിനീത് തട്ടില്‍, മേജർ രവി, ഭഗത് മാനുവല്‍, കാർത്തിക്, ജയശ്രീ, ആൻ സലിം എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. സാഹസത്തിന്റെ എക്സിക്യൂട്ടീവ് പ്രൊഡ്യൂസർ ഷിനോജ് ഒടണ്ടയില്‍, രഞ്ജിത് ഭാസ്കരൻ എന്നിവരാണ്.
ഛായാഗ്രഹണം ആല്‍ബി, സംഗീതം ബിബിൻ അശോക്, എഡിറ്റർ കിരണ്‍ ദാസ്, തിരക്കഥ, സംഭാഷണം ബിബിൻ കൃഷ്ണ, യദുകൃഷ്ണ ദയകുമാർ, വരികള്‍ വിനായക് ശശികുമാർ, വൈശാഖ് സുഗുണൻ, പ്രൊഡക്ഷൻ കണ്‍ട്രോളർ ഷിഹാബ് വെണ്ണല, ചീഫ് അസോസിയേറ്റ് ഡയറക്ടർ പാർത്ഥൻ, ആർട്ട് സുനില്‍ കുമാരൻ, മേക്കപ്പ് സുധി കട്ടപ്പന, വസ്ത്രാലങ്കാരം അരുണ്‍ മനോഹർ, സംഘട്ടനം ഫീനിക്സ് പ്രഭു, പ്രൊഡക്ഷൻ എക്സിക്യൂട്ടീവ് ജിതേഷ് അഞ്ചുമന, ആന്റണി കുട്ടമ്ബുഴ, അസോസിയേറ്റ് ഡയറക്ടർ നിധീഷ് നമ്ബ്യാർ, സ്റ്റില്‍സ് ഷൈൻ ചെട്ടികുളങ്ങര, ഡിസൈൻ യെല്ലോ ടൂത്ത്സ്, പിആർഒ ശബരി, ഡിജിറ്റല്‍ മാർക്കറ്റിംഗ് ഒബ്സ്ക്യൂറ എന്റർടൈൻമെന്റ്.
