തിരുവനന്തപുരം: പാറശാല പരശുവയ്ക്കലിൽ ടിപ്പർ ലോറിയിൽ നിന്നും ബാറ്ററി മോഷണം പോയി. വാഹനത്തിൻ്റെ ടെസ്റ്റ് പണികൾ പൂർത്തിയാക്കി റോഡ് വശത്ത് ഒതുക്കി ഇട്ടിരിക്കുകയായിരുന്നു ലോറി. അടുത്ത ദിവസം വാഹനം സ്റ്റാർട്ട് ചെയ്യാൻ ശ്രമിച്ചപ്പോഴാണ് ബാറ്ററി മോഷണം പോയതായി ശ്രദ്ധയിൽപ്പെട്ടത്.
പരശുവയ്ക്കൽ മേലെക്കോണം സ്വദേശിയായ ലെനിൻ്റെ ആണ് ടിപ്പർ ലോറി. ഏകദേശം ഇരുപതിനായിരം രൂപയ്ക്ക് മുകളിലാണ് ഈ ബാറ്ററിയുടെ വില. ബാറ്ററി മോഷണം പോയ വിവരം ലെനിൻ പാറശാല പോലീസിൽ പരാതി നൽകിയിട്ടുണ്ട്.
