ആഗോള തൊഴില്‍ വിപണിയുടെ മാറുന്ന ആവശ്യങ്ങള്‍ക്കനുസരിച്ച്, വിദ്യാര്‍ത്ഥികള്‍ ഭാവിയില്‍ മികച്ച അവസരങ്ങള്‍ ഉറപ്പാക്കുന്ന ഡിഗ്രികള്‍ തിരഞ്ഞെടുക്കുന്നു. ടെക്‌നോളജി, ആരോഗ്യം, ബിസിനസ്, പരിസ്ഥിതി എന്നീ മേഖലകളിലെ ഡിഗ്രികള്‍ക്കാണ് ഇന്ന് ലോകമെമ്പാടും ഏറ്റവും ഡിമാന്‍ഡ്. ലോകത്ത് ഏറ്റവും ആവശ്യമുള്ള ബിരുദ കോഴ്‌സുകള്‍ക്കാണ് ഇപ്പോള്‍ വിദ്യാര്‍ത്ഥികള്‍ താത്പര്യപ്പെടുന്നത്.
കമ്പ്യൂട്ടര്‍ സയന്‍സ്
കമ്പ്യൂട്ടര്‍ സയന്‍സ് ഡിഗ്രി, ഡിജിറ്റല്‍ യുഗത്തില്‍ ഏറ്റവും പ്രധാനപ്പെട്ടതാണ്. ആര്‍ട്ടിഫിഷ്യല്‍ ഇന്റലിജന്‍സ്, സോഫ്റ്റ്വെയര്‍ ഡെവലപ്മെന്റ്, സൈബര്‍ സെക്യൂരിറ്റി എന്നിവയില്‍ വിദഗ്ധരായവര്‍ക്ക് ആഗോളതലത്തില്‍ തൊഴില്‍ അവസരങ്ങള്‍ ലഭിക്കുന്നു.
ഡാറ്റ സയന്‍സ് & അനലിറ്റിക്‌സ്
വന്‍തോതിലുള്ള ഡാറ്റ കൈകാര്യം ചെയ്യാനും വിശകലനം ചെയ്യാനും കഴിവുള്ളവര്‍ക്ക് ബിസിനസ്, ഫിനാന്‍സ്, മാര്‍ക്കറ്റിംഗ് മേഖലകളില്‍ ഉയര്‍ന്ന ഡിമാന്‍ഡാണ്.
മെഡിസിന്‍
ഡോക്ടര്‍മാരും ആരോഗ്യ പ്രവര്‍ത്തകരും എല്ലായിടത്തും ആവശ്യമാണ്. മെഡിസിന്‍ ഡിഗ്രി തിരഞ്ഞെടുക്കുന്നവര്‍ക്ക് സ്ഥിരമായ തൊഴില്‍ ഉറപ്പാണ്, പ്രത്യേകിച്ച് യുഎസ്, യുകെ, കാനഡ എന്നിവിടങ്ങളില്‍.
നഴ്‌സിംഗ്
നഴ്‌സിംഗ് ഡിഗ്രി ലോകമെമ്പാടും ആവശ്യപ്പെടുന്നു, കാരണം ആരോഗ്യ പരിപാലന മേഖലയില്‍ നഴ്‌സുമാര്‍ക്ക് വലിയ റോള്‍ ഉണ്ട്. ഓസ്ട്രേലിയ, കാനഡ, യൂറോപ്പ് എന്നിവിടങ്ങളില്‍ തൊഴില്‍ സാധ്യതകള്‍ ഏറെയാണ്.
ബിസിനസ് അഡ്മിനിസ്‌ട്രേഷന്‍
ബിസിനസ് മാനേജ്‌മെന്റ്, ഫിനാന്‍സ്, മാര്‍ക്കറ്റിംഗ് എന്നിവയില്‍ എംബിഎ ഡിഗ്രി തിരഞ്ഞെടുക്കുന്നവര്‍ക്ക് ആഗോള കമ്പനികളില്‍ ഉയര്‍ന്ന തസ്തികകള്‍ ലഭിക്കുന്നു.
എന്‍വയോണ്‍മെന്റല്‍ സയന്‍സ്
പരിസ്ഥിതി പ്രശ്‌നങ്ങള്‍ വര്‍ധിക്കുന്നതിനാല്‍, എന്‍വയോണ്‍മെന്റല്‍ സയന്‍സ് ഡിഗ്രിക്ക് ഡിമാന്‍ഡ് വര്‍ധിച്ചുവരികയാണ്. സുസ്ഥിര വികസനത്തിനും ഗവേഷണത്തിനും ഈ ഡിഗ്രി അവസരങ്ങള്‍ നല്‍കുന്നു.
എഞ്ചിനീയറിംഗ്
സിവില്‍, മെക്കാനിക്കല്‍, ഇലക്ട്രിക്കല്‍, കെമിക്കല്‍ എഞ്ചിനീയറിംഗ് മേഖലകള്‍ എല്ലായ്പ്പോഴും ആവശ്യക്കാരുണ്ട്. ഊര്‍ജ്ജം, നിര്‍മ്മാണം, ടെക്‌നോളജി മേഖലകളില്‍ തൊഴില്‍ ലഭിക്കും.
സൈക്കോളജി
മാനസികാരോഗ്യത്തിന്റെ പ്രാധാന്യം വര്‍ധിക്കുന്നതോടെ, സൈക്കോളജി ഡിഗ്രി ജനപ്രിയമാവുകയാണ്. കൗണ്‍സലിംഗ്, തെറാപ്പി, ഗവേഷണം എന്നിവയില്‍ തൊഴില്‍ അവസരങ്ങള്‍ ലഭ്യമാണ്.
പബ്ലിക് ഹെല്‍ത്ത്
കോവിഡിന് ശേഷം, പബ്ലിക് ഹെല്‍ത്ത് ഡിഗ്രിക്ക് ആവശ്യം വര്‍ധിച്ചു. ആഗോള ആരോഗ്യ പ്രശ്‌നങ്ങള്‍ പരിഹരിക്കാന്‍ ഈ മേഖലയില്‍ വിദഗ്ധര്‍ ആവശ്യമാണ്.
ഡിജിറ്റല്‍ മാര്‍ക്കറ്റിംഗ്
ഓണ്‍ലൈന്‍ ബിസിനസുകളുടെ വളര്‍ച്ചയോടെ, ഡിജിറ്റല്‍ മാര്‍ക്കറ്റിംഗ് ഡിഗ്രികള്‍ക്ക് ഡിമാന്‍ഡ് വര്‍ധിക്കുന്നു. സോഷ്യല്‍ മീഡിയ, എസ്ഇഒ, കണ്ടന്റ് ക്രിയേഷന്‍ എന്നിവയില്‍ വൈദഗ്ധ്യം ആവശ്യമാണ്.
യുഎസ്, യുകെ, കാനഡ, ഓസ്ട്രേലിയ, ജര്‍മനി തുടങ്ങിയ രാജ്യങ്ങള്‍ ആഗോള പ്രാധാന്യമുള്ള വിഷയങ്ങളില്‍ മികച്ച വിദ്യാഭ്യാസം നല്‍കുന്നു. ആഗോള വിപണിയില്‍ മത്സരക്ഷമത നിലനിര്‍ത്താന്‍, തിരഞ്ഞെടുക്കുന്ന ഡിഗ്രി ഭാവി ആവശ്യങ്ങള്‍ക്ക് അനുയോജ്യമായിരിക്കണമെന്ന് വിദഗ്ധര്‍ ഉപദേശിക്കുന്നു.
