തുര്‍ക്കി നാവിക കപ്പല്‍ പാകിസ്താനിലെ കറാച്ചി തുറമുഖത്തെത്തി. ടിസിജി ബുയുക്കഡയാണ് പാകിസ്താനിലെത്തിയത്. സൗഹാര്‍ദ്ദ സന്ദര്‍ശനമെന്നാണ് പാകിസ്താന്റെ പ്രസ്താവന.
'പരസ്പര ധാരണ വര്‍ദ്ധിപ്പിക്കുന്നതിനും ഇരു നാവികസേനകളും തമ്മിലുള്ള സമുദ്ര സഹകരണം ശക്തിപ്പെടുത്തുന്നതിനുമാണ് സന്ദര്‍ശനം ലക്ഷ്യമിടുന്നത്' എന്ന് പ്രസ്താവനയില്‍ പറയുന്നു. പാകിസ്താന് പിന്തുണ പ്രഖ്യാപിച്ച് തുര്‍ക്കി രംഗത്തെത്തിയതിന് പിന്നാലെയാണ് നീക്കം. ഇന്ത്യയും പാകിസ്താനും തമ്മിലുള്ള സംഘര്‍ഷങ്ങള്‍ നിലനില്‍ക്കുന്ന സാഹചര്യത്തിലാണിതെന്നതും ശ്രദ്ധേയമാണ്.
