ഹയർ സെക്കൻഡറി (വൊക്കേഷണൽ) വിഭാഗം 2025 ജൂണിൽ നടത്തുന്ന സേ/ഇംപ്രൂവ്മെന്റ് പരീക്ഷയുടെ വിജ്ഞാപനം പ്രസിദ്ധീകരിച്ചു. തിയറി പരീക്ഷകൾ ജൂൺ 23ന് ആരംഭിച്ച് 27 ന് അവസാനിക്കും. അപേക്ഷകൾ പിഴകൂടാതെ മേയ് 27 വരെയും 600 രൂപ പിഴയോടെ 29 വരെയും സ്‌കൂളുകളിൽ സമർപ്പിക്കാം.
ഫീസുകൾ '0202-01-102-93 VHSE Fees' എന്ന ശീർഷകത്തിൽ സംസ്ഥാനത്തെ ഏതെങ്കിലും ട്രഷറിയിൽ അടച്ച് അസൽ ചെലാൻ സഹിതം അപേക്ഷ വിദ്യാർത്ഥികൾ പഠനം പൂർത്തിയാക്കിയ സ്‌കൂളുകളിൽ സമർപ്പിക്കണം. അപേക്ഷാഫോമും പരീക്ഷയെ സംബന്ധിച്ച വിവരങ്ങളും പരീക്ഷാ കേന്ദ്രങ്ങളിൽ നിന്നും www.vhsems.kerala.gov.in ലും ലഭിക്കും.
