കൊൽക്കത്ത: പശ്ചിമ ബംഗാളിലെ റെയിൽവേ സ്റ്റേഷനിൽ പാകിസ്ഥാൻ പതാക സ്ഥാപിച്ച രണ്ട് പേർ അറസ്റ്റിൽ. ഹിന്ദുത്വ സംഘടനയായ സനാതനി ഏകതാ മഞ്ചിൻ്റെ പ്രവർത്തകരായ ചന്ദൻ മലകർ (30), പ്രോഗ്യാജിത് മൊണ്ടൽ (45) എന്നിവരാണ് പിടിയിലായത്. നോർത്ത് 24 പർഗാനാസ് ജില്ലയിലെ റെയിൽവേ സ്റ്റേഷന് സമീപമുള്ള ശുചിമുറിയിലാണ് പാകിസ്ഥാൻ പതാക സ്ഥാപിച്ചത്.
പ്രദേശത്ത് വർഗീയ കലാപം സൃഷ്ടിക്കാനായിരുന്നു ശ്രമമെന്ന് ചോദ്യം ചെയ്യലിൽ വ്യക്തമായി.”റെയിൽവേ സ്റ്റേഷന് സമീപമുള്ള ഒരു ടോയ്‌ലറ്റിൽ നിന്ന് ഞങ്ങൾ ഒരു പാകിസ്ഥാൻ ദേശീയ പതാക കണ്ടെത്തി. ഇതിന് പിന്നിൽ നാട്ടുകാരായ രണ്ടുപേരാണെന്ന് ഞങ്ങൾ തിരിച്ചറിഞ്ഞു. അവർ ഇത് മനഃപൂർവ്വം ചെയ്തതാണെന്ന് അന്വേഷണത്തിൽ വ്യക്തമായി. രണ്ട് പ്രതികളെയും അറസ്റ്റ് ചെയ്യുകയും പ്രത്യേക വകുപ്പുകൾ പ്രകാരം കേസ് രജിസ്റ്റർ ചെയ്യുകയും ചെയ്തു. തുടർ‌ന്ന് സബ്-ഡിവിഷൻ കോടതിയിൽ ഹാജരാക്കി,” എസ് പി ദിനേശ് കുമാർ പറഞ്ഞു.
