ആവശ്യ സാധനങ്ങൾ:
ഒരു കപ്പ് ഗോതമ്പ് പൊടി
രണ്ട് സ്പൂൺ മല്ലിയില (അരിഞ്ഞത്)
അര ടീസ്പൂൺ ജീരകം
ആവശ്യത്തിന് ഉപ്പ്
വെള്ളം (മാവ് കലക്കാൻ ആവശ്യമായ അളവിൽ)
നെയ്യ് (ചുട്ടെടുക്കാൻ)
ചെറിയ രീതിയിൽ അരിഞ്ഞ പച്ചക്കറികൾ (സവാള, കാരറ്റ് മുതലായവ – ഓപ്ഷണൽ)
ഉണ്ടാക്കുന്ന വിധം:
ഒരു ബൗളിൽ ഗോതമ്പ് പൊടി, മല്ലിയില, ജീരകം, ഉപ്പ് എന്നിവ എടുക്കുക. അരിഞ്ഞു വെച്ച പച്ചക്കറികൾ ചേർക്കുക (ഓപ്ഷണൽ). ശേഷം ആവശ്യത്തിന് വെള്ളമൊഴിച്ച് കട്ടയില്ലാതെ കലക്കിയെടുക്കുക.
ഒരു പാൻ അടുപ്പിൽ വെച്ച് ചൂടാക്കുക. ചൂടായ പാനിൽ അൽപ്പം നെയ്യ് പുരട്ടുക. മാവ് ഒഴിച്ച് കനം കുറച്ച് പരത്തുക. ഇരുവശവും മൊരിഞ്ഞു വരുമ്പോൾ എടുത്ത് കഴിക്കാവുന്നതാണ്.
