തമിഴ്‌നാട്ടില്‍ പത്ത് വയസുകാരിയോട് കൊടുംക്രൂരത. തമിഴ്‌നാട് തിരുവള്ളൂരില്‍ 10 വയസ്സുകാരിയെ പട്ടാപ്പകല്‍ തട്ടിക്കൊണ്ടുപോയി പീഡിപ്പിച്ചു. റോഡിലൂടെ നടന്നു പോകുന്ന കുട്ടിയെ യുവാവ് തട്ടിക്കൊണ്ടു പോകുന്നതിന്റെ ഞെട്ടിക്കുന്ന ദൃശ്യങ്ങള്‍ പുറത്തുവന്നു.
കഴിഞ്ഞ ശനിയാഴ്ച തിരുവള്ളൂര്‍ ഗുമ്മിഡിപൂണ്ടിയില്‍ ഉണ്ടായ നടുക്കുന്ന സംഭവത്തിന്റെ സിസിടിവി ദൃശ്യങ്ങള്‍ ആണ് പുറത്തു വന്നത്സംഭവത്തില്‍ പൊലീസ് വിശദമായ അന്വേഷണം തുടങ്ങി.
നാലാം ക്ലാസ് വിദ്യാര്‍ത്ഥിനി റോഡിലൂടെ നടക്കുമ്പോള്‍ ഒരു യുവാവ് പിന്തുടരുന്നത് ദൃശ്യങ്ങളില്‍ കാണാം. അടുത്തെത്തിയപ്പോള്‍ പെണ്‍കുട്ടിയെ യുവാവ് ബലമായി പിടിച്ചുവലിച്ച് അടുത്തുള്ള കാട്ടിലേക്ക് കൊണ്ടുപോയി ലൈംഗികമായി പീഡിപ്പിക്കുകയായിരുന്നു. അവശയായ പെണ്‍കുട്ടി വീട്ടിലെത്തി മുത്തശ്ശിയെ വിവരം അറിയിക്കുകയായിരുന്നു. ഇതോടെയാണ് വിവരം പുറത്തറിയുന്നത്. പെണ്‍കുട്ടിയുടെ കുടുംബം പൊലീസിന്റെ സഹായം തേടുകയും
കുട്ടിയെ വൈദ്യപരിശോധനക്ക് വിധേയയാക്കുകയും ചെയ്തു. ചെന്നൈയിലെ സര്‍ക്കാര്‍ ആശുപത്രിയില്‍ തുടരുകയാണ് കുട്ടി. സംഭവത്തില്‍ പോക്‌സോ നിയമപ്രകാരം കേസെടുത്ത പൊലീസ് പ്രതിക്കായി അന്വേണം തുടങ്ങി. 20വയസ്സിന് മുകളിലുള്ള ആളാണ് പ്രതിയെന്ന നിഗമനത്തിലാണ് പൊലീസ്. അന്വേഷണം ഊര്‍ജ്ജിതമാക്കി.
