തേവലക്കര ബോയ്‌സ് ഹയര്‍സെക്കന്‍ഡറി സ്‌കൂളില്‍ വൈദ്യുതാഘാതമേറ്റ് മരിച്ച എട്ടാം ക്ലാസ് വിദ്യാര്‍ത്ഥി മിഥുന്റെ അമ്മ സുജ ശനിയാഴ്ച നാട്ടിലെത്തും.വെളളിയാഴ്ച വൈകിട്ട് തുര്‍ക്കിയില്‍ നിന്ന് കുവൈറ്റില്‍ എത്തും.
ശനിയാഴ്ച രാവിലെ കുവൈറ്റില്‍ നിന്ന് തിരുവനന്തപുരത്തെത്തുമെന്നാണ് വിവരം. നാല് മാസം മുന്‍പാണ് സുജ കുവൈറ്റില്‍ വീട്ടു ജോലിക്ക് പോയത്. സുജ ജോലി ചെയ്യുന്ന വീട്ടുകാര്‍ തുര്‍ക്കിയിലേക്ക് വിനോദയാത്ര പോയപ്പോള്‍ സുജയും ഒപ്പം പോയി.
മകന്റെ മരണവിവരം അറിയിക്കാന്‍ ബന്ധുക്കള്‍ സുജയെ ബന്ധപ്പെടാന്‍ ശ്രമിച്ചെങ്കിലും സാധിച്ചിരുന്നില്ല.പിന്നീട് വൈകുന്നേരത്തോടെയാണ് വിവരം സുജയെ അറിയിച്ചത്.
