ഡല്‍ഹി: ഡല്‍ഹിയില്‍ പതിനഞ്ചുകാരിയായ പെണ്‍കുട്ടിയെ കാമുകൻ വെടിവച്ചു കൊന്നു.വടക്കൻ ഡല്‍ഹിയിലെ ജഹാംഗിർപുരി പ്രദേശത്താണ് സംഭവം റിപ്പോർട്ട് ചെയ്തത്.സുമ്ബുള്‍ എന്ന പെണ്‍കുട്ടി സുഹൃത്തിനൊപ്പം ലഘുഭക്ഷണം വാങ്ങാൻ ഒരു മാർക്കറ്റില്‍ പോയിരുന്നതായി പ്രാഥമിക അന്വേഷണത്തില്‍ കണ്ടെത്തി. രാത്രി 8:10 ഓടെ, സുമ്ബുളിന്റെ കാമുകനെന്ന് പറയപ്പെടുന്ന ആര്യൻ തന്റെ ഒരു സുഹൃത്തിനൊപ്പം അവിടെയെത്തി പ്രദേശത്തെ ഡി ബ്ലോക്കിലെ ഒരു ക്ലിനിക്കിന് മുന്നില്‍ വെച്ച്‌ കുട്ടിയെ നിരവധി തവണ വെടിവച്ചു.
കൗമാരക്കാരിയെ ഉടൻ തന്നെ പ്രാദേശിക ആശുപത്രിയില്‍ എത്തിച്ചെങ്കിലും മരിച്ചതായി ഡോക്ടർമാർ അറിയിച്ചു. പോസ്റ്റ്‌മോർട്ടത്തിനായി മൃതദേഹം ആശുപത്രിയില്‍ സൂക്ഷിച്ചിരിക്കുന്നു. പ്രതികള്‍ക്കെതിരെ പോലീസ് കേസ് രജിസ്റ്റർ ചെയ്തിട്ടുണ്ട്. കൂടുതല്‍ അന്വേഷണം നടന്നുവരികയാണ്.
