പാലാ: രാഷ്ര്‌ടപതിയുടെ സന്ദര്‍ശന ദിവസം സുരക്ഷയുടെ ഭാഗമായി ഗതാഗതം നിരോധിച്ച റോഡിലൂടെ ബൈക്കില്‍ പാഞ്ഞ മൂന്നു യുവാക്കളുടെ പേരില്‍ പോലീസ്‌ കേസെടുത്തു.വ്യാഴാഴ്‌ച ഉച്ചകഴിഞ്ഞായിരുന്നു സംഭവം .അതിരമ്ബുഴ ഇടത്തൊട്ടിയില്‍ ജിഷ്‌ണു രതീഷ്‌(21) ,കിടങ്ങൂര്‍ സൗത്ത്‌ കരുമക്കില്‍ സതീഷ്‌(26),കോതനല്ലൂര്‍ അമ്ബാടിക്കുളംസന്തോഷ്‌(40)എന്നിവര്‍ക്കെതിരെയാണ്‌ പോലീസ്‌ കേസെടുത്തത്‌.
പാലാ സെന്റ്‌ തോമസ്‌ കോളജിലെ പരിപാടിയില്‍ പങ്കെടുക്കാനായി മൈതാനത്ത്‌ ഹെലികോപ്‌ടര്‍ വന്നിറങ്ങുന്നതിന്‌ മുമ്ബായി ഏറ്റുമാനൂര്‍ -പൂഞ്ഞാര്‍ സംസ്‌ഥാന പാതയില്‍ അരുണാപുരം ഭാഗത്ത്‌ ഗതാഗതം നിരോധിച്ചിരുന്നു. ഈ സമയത്താണ്‌ യുവാക്കള്‍ അമിത വേഗത്തില്‍ പാഞ്ഞെത്തിയത്‌.
ഇവരെ തടയുവാന്‍ ശ്രമിച്ചപോലീസുകാര്‍ക്കിടയിലുടെബൈക്ക്‌ പാഞ്ഞ്‌ മുത്തോലി ഭാഗത്തേക്ക്‌ പോവുകയായിരുന്നു. രണ്ട്‌ പോലീസുകാര്‍ ബൈക്കിന്‌ മുന്നില്‍ ചാടി തടയുവാന്‍ ശ്രമിച്ചു. എന്നാല്‍ ഇവര്‍ക്കിടയിലൂടെ ബൈക്ക്‌ മുന്നോട്ട്‌ അമിതവേഗത്തില്‍ കുതിക്കുകയായിരുന്നു.
രാഷ്ര്‌ടപതി കോളജിലുണ്ടായിരുന്നസമയത്താണ്‌ ബൈക്കില്‍ മൈതാനത്തിന്റെ പ്രവേശന കവാടത്തിന്‌ സമീപത്തു കൂടി ഇവര്‍ കടന്നു പോയത്‌. എന്നാല്‍ സംഭവത്തില്‍ സുരക്ഷാ വീഴ്‌ച ഉണ്ടായിട്ടില്ലന്ന്‌ പാലാ ഡി.വൈ.എസ.്‌പി കെ.സദന്‍ പറഞ്ഞു.
