365 ദിവസത്തെ വാലിഡിറ്റിയിലുള്ള ഒരു പ്രീപെയ്‌ഡ് റീചാർജ് പ്ലാൻ പരിചയപ്പെടുത്തിയിരിക്കുകയാണ് പൊതുമേഖല ടെലികോം ഓപ്പറേറ്റർമാരായ ബിഎസ്എൻഎൽ. 1999 രൂപ മുതൽമുടക്കുള്ള ഈ പ്ലാനിനൊപ്പം ബിഎസ്എൻഎൽ ഉപഭോക്താക്കൾക്ക് ലഭിക്കുന്ന ആനുകൂല്യങ്ങൾ എന്തെല്ലാമാണെന്ന് നോക്കാം.
ബിഎസ്എൻഎൽ 1999 രൂപ റീചാർജ് പ്ലാൻ
1999 രൂപയ്ക്ക് 365 ദിവസം വാലിഡിറ്റിയാണ് ഈ പ്രീപെയ്‌ഡ് റീചാർജ് പാക്കിൽ ബിഎസ്എൻഎൽ നൽകുന്നത്. ആകെ 600 ജിബി ഡാറ്റ ഇക്കാലയളവിലേക്ക് ലഭിക്കും. ഇതിനൊപ്പം കോൾ, എസ്എംഎസ് ആനുകൂല്യങ്ങളുമുണ്ട്. ബിഎസ്എൻഎല്ലിൻറെ 1999 രൂപ പ്രീപെയ്‌ഡ് പ്ലാനിൽ അൺലിമിറ്റഡ് വോയിസ് കോളും ദിവസംതോറും 100 സൗജന്യ എസ്എംഎസുകളും ഒരു വർഷം ലഭിക്കും. ഒരു വർഷ വാലിഡിറ്റിയിൽ വരുന്ന മികച്ച ഓഫറുകളിലൊന്നായി ഇതോടെ ഈ ബിഎസ്എൻഎൽ പാക് മാറുന്നു. ഈ ഓഫർ ലഭിക്കുന്നതിനായി ബിഎസ്എൻഎൽ വെബ്‌സൈറ്റോ ബിഎസ്എൻഎൽ സെൽഫ്‌കെയർ ആപ്പോ വഴി റീചാർജ് ചെയ്യാം.
1 രൂപ സിം അവതരിപ്പിച്ച് ബിഎസ്എൻഎൽ
ഒരു രൂപയ്ക്ക് സിം കാർഡ് എടുത്താൽ 30 ദിവസത്തേക്ക് പ്രതിദിനം 2 ജിബി ഡാറ്റയും, 100 എസ്എംഎസ് വീതവും, പരിധിയില്ലാത്ത കോളും ലഭിക്കുന്ന ആസാദി കാ പ്ലാൻ ബിഎസ്എൻഎൽ കഴിഞ്ഞ ദിവസം പരിചയപ്പെടുത്തിയിരുന്നു. 2025 ഓഗസ്റ്റ് 1 മുതൽ 31 വരെയായിരിക്കും ഈ ഓഫർ ലഭിക്കുക. സിം കാർഡും ഓഫറും സ്വന്തമാക്കാൻ തൊട്ടടുത്ത ബിഎസ്എൻഎൽ കസ്റ്റമർ സർവീസ് സെൻററോ റീടെയ്‌ലർമാരായോ സമീപിക്കണം. പുതിയ സിം വരിക്കാർക്ക് മാത്രമേ ഈ അതിശയകരമായ ഓഫർ ലഭ്യമാകൂവെന്ന് ബിഎസ്എൻഎൽ അറിയിച്ചു. രാജ്യത്ത് കമ്പനിയുടെ 4ജി വിന്യാസം അവസാന ഘട്ടത്തോട് അടുത്തിരിക്കെയാണ് ബിഎസ്എൻഎൽ വമ്പൻ പ്രഖ്യാപനം നടത്തിയിരിക്കുന്നത്.
