കിടിലൻ രുചിയിൽ മുട്ട ബിരിയാണി

ചേരുവകൾ

ബിരിയാണി അരി – 4 കപ്പ്
മുട്ട – 4 എണ്ണം
നെയ്യ് – 3 ടേബിൾസ്പൂൺ
സവാള – 5 എണ്ണം
കാരറ്റ് – 1 എണ്ണം (ചെറുത്)
ഇഞ്ചി – 1 ഇഞ്ച് കഷണം
വെളുത്തുള്ളി – 8 അല്ലി
തക്കാളി – 2 എണ്ണം
കാപ്‌സികം – ½ എണ്ണം
കറിവേപ്പില – 1 ഇതൾ
പാൽ – ¾ കപ്പ്
കശുവണ്ടി – 15 എണ്ണം
ഉണക്ക മുന്തിരി – 15 എണ്ണം
കാശ്മീരി മുളകുപൊടി – 2 ടേബിൾസ്പൂൺ
മല്ലിപൊടി – 1 ടേബിൾസ്പൂൺ
മഞ്ഞൾപൊടി – 1 നുള്ള്
ഗരംമസാല – 1 ടീസ്പൂൺ
കറുവാപട്ട – 3 കഷ്ണം
ഗ്രാമ്പു – 10 എണ്ണം
ഏലയ്ക്ക – 4 എണ്ണം
കുരുമുളക് – 10 എണ്ണം
മല്ലിയില – 3 ഇതൾ
പുതിനയില – 5 ഇല
വെളിച്ചെണ്ണ – 3 ടേബിൾസ്പൂൺ
ചൂടുവെള്ളം – 7 കപ്പ്
ഉപ്പ് – ആവശ്യത്തിന്

തയ്യാറാക്കുന്ന വിധം

അരി വൃത്തിയായി കഴുകിയ ശേഷം ½ മണിക്കൂർ കുതിർത്തു വയ്ക്കുക.

മുട്ട വെള്ളത്തിൽ ഇട്ട് തിളപ്പിച്ച് പുഴുങ്ങി എടുക്കുക.

തോട് കളഞ്ഞശേഷം രണ്ടായി മുറിക്കുക.

സവാള, ഇഞ്ചി, വെളുത്തുള്ളി, തക്കാളി, കാരറ്റ്, കാപ്‌സിക്കം, മല്ലിയില, പുതിനയില അരിഞ്ഞെടുക്കുക.

പാനിൽ നെയ്യ് ചൂടാക്കി ഏലയ്ക്ക, ഗ്രാമ്പൂ, കറുവാപട്ട, കുരുമുളക് എന്നിവ ഇട്ട് ഇളക്കുക.

ഇതിലേയ്ക്ക് അരി ചേർത്ത് 2 മിനിറ്റ് ഇളക്കുക.

7കപ്പ് ചൂടുവെള്ളവും ആവശ്യത്തിന് ഉപ്പും ചേർത്ത് തീ കുറച്ച് അടച്ചുവച്ച് വേവിക്കുക.

പാനിൽ നെയ്യ് ചൂടാക്കി കശുവണ്ടിയും ഉണക്ക മുന്തിരിയും വറുത്തുകോരുക.

2 സവാള അരിഞ്ഞതിട്ട് വഴറ്റിയ ശേഷം 1 ടീസ്പൂൺ പഞ്ചസാര ചേർത്ത് ഇളക്കുക.

പാത്രത്തിൽ വെളിച്ചെണ്ണ ചൂടാക്കി ഇഞ്ചി, വെളുത്തുള്ളി, സവാള, കാരറ്റ്, ഉപ്പ് ചേർത്ത് വഴറ്റുക.

ഇതിലേക്ക് മുളകുപൊടി, മല്ലിപൊടി, മഞ്ഞൾപൊടി, ഗരം മസാല എന്നിവ ചേർത്ത് ഇളക്കുക.

ഇതിലേയ്ക്ക് തക്കാളി, കാപ്‌സിക്കം, കറിവേപ്പില എന്നിവ ചേർത്ത് വഴറ്റുക.

പിന്നീട് പാൽ ചേർത്ത് യോജിപ്പിക്കുക.

തിളയ്ക്കാൻ തുടങ്ങുമ്പോൾ മുട്ട ചേർത്ത് തീ അണയ്ക്കുക.

ദം ചെയ്യുന്നതിനുള്ള പാത്രത്തിൽ നെയ്യ് പുരട്ടി ചോറും മുട്ട മസാലയും ഇടവിട്ട് നിരത്തുക.

വറുത്ത സവാള, കശുവണ്ടി, ഉണക്ക മുന്തിരി, മല്ലിയില, പുതിനയില എന്നിവയും ഇടവിട്ട് ചേർക്കുക.

ഏറ്റവും മുകളിൽ നെയ്യ് ഒഴിച്ച് പാത്രം അടയ്ക്കുക.

കട്ടിയുള്ള ദോശക്കല്ല് ചൂടാക്കി ബിരിയാണി നിറച്ച പാത്രം അതിനു മുകളിൽ വയ്ക്കുക.

ഏകദേശം 10-15 മിനിറ്റ് ചൂടാക്കുക.

അതിനുശേഷം തീ അണച്ച് വീണ്ടും 10 മിനിറ്റ് നേരം അടച്ച് വയ്ക്കുക