സംസ്ഥാനത്ത് സ്വർണവിലയിൽ മാറ്റമില്ല

സംസ്ഥാനത്ത് സ്വർണവിലയിൽ മാറ്റമില്ല. ഇന്ന് ഒരു പവൻ സ്വർണത്തിന് 74360 രൂപയാണ്. ഗ്രാമിന് 9295 രൂപയാണ് വില. റെക്കോർഡുകൾ ഭേദിച്ച് കുതിച്ച സ്വർണവിലയിൽ ശനിയാഴ്ച മുതലാണ് ഇടിവ് രേഖപ്പെടുത്താൻ തുടങ്ങിയത്. വെള്ളിയാഴ്ച രേഖപ്പെടുത്തിയ 75,760 രൂപയാണ് റെക്കോർഡ് ഉയരം. മൂന്നു ദിവസത്തിനിടെ പവന് 1400 രൂപയാണ് കുറഞ്ഞത്.

കഴിഞ്ഞ മാസം 23ന് 75000 കടന്ന് കുതിച്ച സ്വർണവില പിന്നീടുള്ള ദിവസങ്ങളിൽ താഴുന്ന കാഴ്ചയാണ് ദൃശ്യമായത്. 74,000ൽ താഴെ പോയ സ്വർണവിലയാണ് പിന്നീട് കുതിച്ച് ഉയർന്നത്. ഈ മാസാദ്യം 73,200 രൂപയായിരുന്നു സ്വർണവില. ഒരാഴ്ചയ്ക്കിടെ 2500 രൂപയിലധികം വർധിച്ച ശേഷമാണ് ശനിയാഴ്ച മുതൽ കുറയാൻ തുടങ്ങിയത്.