വീട്ടിലുണ്ടാക്കാം നല്ല കുറുകിയ പുളിശ്ശേരി

ചേരുവകൾ

തൈര്- 500 മില്ലി
പച്ചമുളക്- 3
തേങ്ങ- 3/4 കപ്പ്
വെളുത്തുള്ളി- 4 അല്ലി
ജീരകം- 1/2 ടീസ്പൂൺ
മഞ്ഞൾപ്പൊടി- 1/2 ടീസ്പൂൺ
വെള്ളം- ആവശ്യത്തിന്
വെളിച്ചെണ്ണ
കടുക്- 1 ടീസ്പൂൺ
ഉലുവ- 1/4 ടീസ്പൂൺ
ഇഞ്ചി- ആവശ്യത്തിന്
ചുവന്നുള്ളി- 2
വറ്റൽമുളക്- 2
കറിവേപ്പില- ആവശ്യത്തിന്
കായം- ആവശ്യത്തിന്
കാശ്മീരിമുളകുപൊടി- 3/4 ടീസ്പൂൺ

തയ്യാറാക്കുന്ന വിധം

തേങ്ങ ചിരകിയതിലേക്ക് മൂന്ന് പച്ചമുളക്, നാല് വെളുത്തുള്ളി, അര ടീസ്പൂൺ ജീരകം, അര ടീസ്പൂൺ മഞ്ഞൾപ്പൊടി എന്നിവ ചേർത്ത് അരച്ചെടുക്കുക.

പാത്രം അടുപ്പിൽ വച്ച് അരപ്പും കുറച്ച് വെള്ളവും ഒഴിച്ച് തിളപ്പിക്കുക.

ഇതിലേക്ക് ഉടച്ചെടുത്ത തൈര് ചേർത്തിളക്കി തിളപ്പിച്ച ശേഷം അടുപ്പണയ്ക്കുക.

മറ്റൊരു പാൻ അടുപ്പിൽ വച്ച് ആവശ്യത്തിന് എണ്ണ ഒഴിച്ച് കടുക് ചേർത്ത് പൊട്ടിക്കുക.

കാൽ ടീസ്പൂൺ ഉലുവ, ഇഞ്ചി ചെറുതായി അരിഞ്ഞത്, രണ്ട് വറ്റൽമുളക് എന്നിവ ചേർക്കുക.

രണ്ട് ചുവന്നുള്ളി ചെറുതായി അരിഞ്ഞതു ചേർത്ത് വറ്റുക.

ചുവന്നുള്ളിയുടെ നിറം മാറി വരുമ്പോൾ കായപ്പൊടി, കുറച്ച് കറിവേപ്പില, മുക്കാൽ ടീസ്പൂൺ കാശ്മീരിമുളകുപൊടി എന്നിവ ചേർത്തിളക്കിയെടുക്കുക.

മാറ്റി വച്ചിരിക്കുന്ന മോരിലേക്ക് ഇത് ചേർത്തിളക്കുക