ചേരുവകൾ
എല്ല് ഇല്ലാത്ത ചിക്കൻ – 250 ഗ്രാം
തക്കാളി അരിഞ്ഞത് – 1/2 കപ്പ്
ഉള്ളി അരിഞ്ഞത് – 1/4 കപ്പ്
ലെറ്റൂസ് അരിഞ്ഞത് – 1/2 കപ്പ്
കുക്കുമ്പർ അരിഞ്ഞത് – 1/2 കപ്പ്
കുരുമുളകുപൊടി – 1 ടീസ്പൂൺ
ഉപ്പ് – 1/2 ടീസ്പൂൺ
മുളകുപൊടി – 1/2 ടീസ്പൂൺ
മയോണൈസ് – 3 ടേബിൾ സ്പൂൺ
ഒലിവ് ഓയിൽ – 3 ടേബിൾ സ്പൂൺ
തയ്യാറാക്കുന്ന വിധം
ചിക്കൻ ചെറുതായി അരിഞ്ഞെടുക്കുക.
പാൻ അടുപ്പിൽ വച്ചതിനുശേഷം അതിലേക്ക് രണ്ട് ടേബിൾ സ്പൂൺ ഒലിവ് ഓയിൽ ഒഴിക്കുക
അതിലേക്ക് നേരത്തെ അരിഞ്ഞുവെച്ചചിക്കൻ ഇട്ടു കൊടുക്കാം.
ഇത് ചെറുതായി ഒന്ന് വഴറ്റിയെടുക്കുക
ഇതിലേക്ക് ഒരു ടീസ്പൂൺ കുരുമുളകുപൊടിയും അര ടീസ്പൂൺ ഉപ്പും അര ടീസ്പൂൺ മുളകുപൊടിയും ചേർത്ത് വഴറ്റുക.
ചിക്കൻ വെന്ത് കഴിഞ്ഞാൽ ഗ്യാസ് ഓഫ് ചെയ്യുക
വലിയൊരു പാത്രം എടുത്ത് അതിലേക്ക് തക്കാളി അരിഞ്ഞതും ലെറ്റിയൂസ് അരിഞ്ഞതും പൊടിയായി അരിഞ്ഞ സവാളയും കുക്കുമ്പർ അരിഞ്ഞതും ചേർത്ത് വേവിച്ചു വച്ച ചിക്കൻ കൂടെ ഇട്ടു കൊടുത്ത് മിക്‌സ് ചെയ്യുക.
ഒരു ചപ്പാത്തിയോ അല്ലെങ്കിൽ കുബ്ബൂസോ എടുത്തതിനുശേഷം അതിലേക്ക് മയോണൈസ് തേച്ച് കൊടുക്കുക.
ശേഷം തയ്യാറാക്കിയ ഫില്ലിംഗ് ഇതിലേക്ക് വെച്ച് മടക്കി കൊടുക്കാം.
ഒരു പാൻ ചൂടാക്കി അതിലേക്ക് ഒലിവ് ഓയിൽ ഒഴിച്ചതിനുശേഷം റോൾ ഇട്ട് മൊരിച്ചെടുക്കുക.
