സംവിധായകന്‍ അടൂര്‍ ഗോപാലകൃഷ്ണനും ഗായകന്‍ യേശുദാസിനുമെതിരെ അധിക്ഷേപ പരാമര്‍ശം നടത്തിയതില്‍ കൂടുതല്‍ പ്രതികരണവുമായി നടന്‍ വിനായകന്‍. വെള്ളയിട്ട് പറഞ്ഞാല്‍ യേശുദാസ് പറഞ്ഞത് അസഭ്യം ആകാതിരിക്കുമോ എന്നും ജുബ്ബയിട്ട് ചെയ്താല്‍ അടൂര്‍ അസഭ്യമാകാതെ ഇരിക്കുമോ എന്നും വിനായകന്‍ ചോദിച്ചു. സ്ത്രീകള്‍ ''ജീന്‍സോ, ലെഗിന്‍സോ ഇടുന്നതിനെ അസഭ്യമായി ചിത്രീകരിച്ച യേശുദാസ് പറഞ്ഞത് അസഭ്യമല്ലേ?, സിനിമകളിലൂടെ സ്ത്രീ ശരീരത്തെ അസഭ്യനോട്ടം നോക്കിയ ആളല്ലേ അടൂര്‍ . സംസ്‌കൃതത്തില്‍ അസഭ്യം പറയുന്നവരോട് പച്ച മലയാളത്തില്‍ തിരിച്ചു പറയുന്നത് അസഭ്യമാണെങ്കില്‍ അത് തുടരുക തന്നെ ചെയ്യും'', എന്നാണ് വിനായകന്‍ ഫേസ്ബുക്കില്‍ കുറിച്ചിരിക്കുന്നത്.
വിനായകന്റെ ഫേസ്ബുക്ക് പോസ്റ്റിന്റെ പൂര്‍ണരൂപം:
ശരീരത്തില്‍ ഒന്നും തന്നെ അസഭ്യമായി ഇല്ല.
എന്നിരിക്കെ
സ്ത്രീകള്‍
ജീന്‍സോ, ലെഗിന്‍സോ
ഇടുന്നതിനെ
അസഭ്യമായി ചിത്രീകരിച്ച
യേശുദാസ്
പറഞ്ഞത്
അസഭ്യമല്ലേ?
സിനിമകളിലൂടെ
സ്ത്രീ ശരീരത്തെ അസഭ്യനോട്ടം നോക്കിയ ആളല്ലേ അടൂര്‍?
വെള്ളയിട്ട് പറഞ്ഞാല്‍
യേശുദാസ് പറഞ്ഞത്
അസഭ്യം ആകാതിരിക്കുമോ?
ജുബ്ബയിട്ട് ചെയ്താല്‍
അടൂര്‍
അസഭ്യമാകാതെ ഇരിക്കുമോ?
ചാലയിലെ തൊഴിലാളികള്‍
തിയറ്ററിലെ വാതില്‍ പൊളിച്ച് സെക്‌സ് കാണാന്‍ ചലച്ചിത്ര മേളയില്‍ കയറിയെന്നും അതിനെ പ്രതിരോധിക്കാനാണ്
ടിക്കറ്റ്
ഏര്‍പ്പെടുത്തിയതെന്നും
അടൂര്‍ പറഞ്ഞത്
അസഭ്യമല്ലേ?
ദളിതര്‍ക്കും സ്ത്രീകള്‍ക്കും
സിനിമ
എടുക്കാന്‍ ഒന്നര കോടി രൂപ കൊടുത്താല്‍ അതില്‍ നിന്നു കട്ടെടുക്കും
എന്ന് അടൂര്‍ പറഞ്ഞാല്‍ അസഭ്യമല്ലേ?
സംസ്‌കൃതത്തില്‍ അസഭ്യം പറയുന്നവരോട്
പച്ച മലയാളത്തില്‍
തിരിച്ചു പറയുന്നത്
അസഭ്യമാണെങ്കില്‍
അത്
തുടരുക തന്നെ ചെയ്യും.
കഴിഞ്ഞ ദിവസം അടൂരിനും യേശുദാസിനുമെതിരെ വലിയ രീതിയിലുളള അസഭ്യവര്‍ഷമാണ് വിനായകന്‍ ഫേസ്ബുക്കിലൂടെ നടത്തിയത്.ഫേ?സ്ബുക്ക് പോസ്റ്റില്‍ ഇരുവരുടേയും പേര് എടുത്ത് പറഞ്ഞു കൊണ്ടായിരുന്നു നടന്റെ അധിക്ഷേപം. തുടര്‍ന്ന് നിരവധി പേരാണ് സംഭവത്തില്‍ വിനായകനെ വിമര്‍ശിച്ച് രം?ഗത്തെത്തിയത്. ഇതിന് പിന്നാലെയാണ് പുതിയ പോസ്റ്റുമായി നടന്‍ എത്തിയത്.
