
കോഴിക്കോട് : കുറ്റ്യാടിയിൽ നിയന്ത്രണം വിട്ട കാർ കടയുടെ വരാന്തയിലേക്ക് പാഞ്ഞുകയറി. അപകടത്തിൽ രണ്ട് പേർക്ക് പരിക്കേറ്റു, ഒരാളുടെ നില ഗുരുതരമാണ്. ഇന്നലെ രാത്രി 11 മണിയോടെ കുറ്റ്യാടി-മരുതോങ്കര റോഡിലെ പാലത്തിന് സമീപമാണ് അപകടം നടന്നത്.
റോഡരികിലുള്ള ഒരു കഫേയുടെ വരാന്തയിലേക്കാണ് നിയന്ത്രണം നഷ്ടപ്പെട്ട കാർ ഇടിച്ചുകയറിയത്. ഇതിനു മുൻപ് നിർത്തിയിട്ടിരുന്ന രണ്ട് ബൈക്കുകളിലും കാർ ഇടിച്ചിരുന്നു. കാറിലുണ്ടായിരുന്നവർ പിന്നീട് പോലീസ് സ്റ്റേഷനിൽ ഹാജരായി. റോഡരികിലുണ്ടായിരുന്നവർക്കാണ് പരിക്കേറ്റത്.