മണ്ണാർക്കാട്: മണ്ണാർക്കാട് നെല്ലിപ്പുഴയിൽ കുളിക്കാനിറങ്ങിയ വിദ്യാർത്ഥി ഒഴുക്കിൽപ്പെട്ട് മരിച്ചു. മണ്ണാർക്കാട് പുല്ലിശ്ശേരി സ്വദേശി സ്രാമ്പിക്കൽ അയ്യൂബിന്റെ മകൻ ആശ്ഫിനാണ് മരിച്ചത്. മണ്ണാർക്കാട് നജാത് ആർട്‌സ് ആൻഡ് സയൻസ് കോളേജിലെ ഒന്നാം വർഷ ഡിഗ്രി വിദ്യാർത്ഥിയാണ് ആശ്ഫിൻ.
ഇന്ന് രാവിലെ നെല്ലിപ്പുഴയിൽ മുക്കണ്ണം മുണ്ടേക്കരാട് പള്ളിക്കു സമീപത്തെ കടവിലാണ് അപകടം സംഭവിച്ചത്. കുളിക്കാനിറങ്ങിയ സുഹൃത്ത് ഒഴുക്കിൽപ്പെട്ടതോടെ രക്ഷപ്പെടുത്താൻ ശ്രമിക്കുന്നതിനിടെയാണ് ആശ്ഫിൻ ഒഴുക്കിൽപ്പെട്ടത്. അപകടത്തിൽപ്പെട്ടയുടനെ വിദ്യാർത്ഥിയെ നാട്ടുകാരുടെ നേതൃത്വത്തിൽ രക്ഷിച്ച് മണ്ണാർക്കാട് താലൂക്ക് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
