ഇടുക്കി:ഇടുക്കിയില്‍ റോഡരികില്‍ വയോധികനെ മരിച്ച നിലയില്‍ കണ്ടെത്തി. രാജകുമാരി മഞ്ഞകുഴി സ്വദേശി മോളോകുടിയില്‍ രമേശ് (56)നെയാണ് റോഡ് അരുകില്‍ മരിച്ച നിലയില്‍ കണ്ടെത്തിയത്.രാവിലെ സമീപ വാസികളാണ് വയോധികനെ മരിച്ച നിലയില്‍ കണ്ടെത്തിയത്.
കമിഴ്ന്നുകിടക്കുന്ന രീതിയിലാണ് മൃതദേഹം ഉണ്ടായിരുന്നത്. സമീപത്ത് നിന്നും ഒരു കോടാലിയും പൊലീസ് കണ്ടെത്തിയിട്ടുണ്ട്. ദേഹത്ത് പരിക്കുകളോ മുറിവുകളോ ഇല്ല. പൊലീസ് മേല്‍നടപടികള്‍ സ്വികരിച്ചു. ഇൻക്വസ്റ്റ് പൂർത്തിയായ ശേഷം മൃതദേഹം പോസ്റ്റ്മാർട്ടത്തിനയക്കും. രണ്ട് വർഷമായി ഇയാള്‍ ഒറ്റക്കാണ് താമസിക്കുന്നത്. വീട്ടില്‍ നിന്നും 30 മീറ്റർ മാറി റോഡ് അരുകിലാണ് മൃദദേഹം കണ്ടത്.
