തിരുവനന്തപുരം: മില്‍മ തിരുവനന്തപുരം മേഖല യൂണിയന്‍ 16 രൂപ അധിക പാല്‍വില പ്രഖ്യാപിച്ചു. ഈ വര്‍ഷം ഫെബ്രുവരി 1 മുതല്‍ 28 വരെ പ്രാഥമിക ആനന്ദ് മാതൃക ക്ഷീര സഹകരണ സംഘങ്ങള്‍ മില്‍മയ്ക്ക് നല്‍കിയ പാല്‍ ലിറ്ററൊന്നിന് 16 രൂപ വീതം അധിക പാല്‍വില നല്‍കുമെന്ന് മേഖല യൂണിയന്‍ ചെയര്‍മാന്‍ മണി വിശ്വനാഥ് അറിയിച്ചു. ഈ തുക മാര്‍ച്ച് മാസത്തിലെ മൂന്നാമത്തെ മില്‍ക്ക് ബില്ലിനൊപ്പം സംഘങ്ങള്‍ക്ക് ലഭിക്കുമെന്നും ചെയര്‍മാന്‍ വ്യക്തമാക്കി.
അധിക പാല്‍വിലയില്‍ 8 രൂപ കര്‍ഷകനും 4 രൂപ അംഗസംഘങ്ങള്‍ക്കും ലഭിക്കും. 4 രൂപ യൂണിയനില്‍ സംഘത്തിന്‍റെ അധിക ഓഹരി നിക്ഷേപമായി സ്വീകരിക്കും. ഇതോടെ തിരുവനന്തപുരം മേഖലാ പരിധിയിലുള്ള ആനന്ദ് മാതൃക സംഘങ്ങള്‍ക്ക് ലഭിക്കുന്ന ശരാശരി പാല്‍വില ലിറ്ററൊന്നിന് 61.13 രൂപയായി വര്‍ധിക്കും.
