കാണാതായിട്ട് രണ്ട് ദിവസം; തിരുവനന്തപുരത്ത് 16 കാരന്റെ മൃതദേഹം വീടിന് സമീപത്തെ കിണറ്റിൽ

തിരുവനന്തപുരം: വെഞ്ഞാറമ്മൂട് കാണാതായ 16 കാരന്റെ മൃതദേഹം വീടിന് സമീപത്തെ കിണറ്റിൽ കണ്ടെത്തി. വെഞ്ഞാറമൂട് തൈക്കാട് മുളം കുന്ന് ലക്ഷം വീട്ടിൽ അനിൽകുമാറിന്റെയും മായയുടെയും മകൻ അർജുന്റെ മൃതദേഹമാണ് കണ്ടെത്തിയത്. രണ്ട് ദിവസം മുൻപാണ് അർജുനെ കാണാതാകുന്നത്.

കുട്ടിയെ കാണാതായതോടെ മാതാപിതാക്കൾ പൊലീസിൽ പരാതി നൽകുകയായിരുന്നു. വെഞ്ഞാറമ്മൂട് പോലീസ് കുട്ടിക്കായി അന്വേഷണം നടത്തി വരവെയാണ് അർജുനെ മരിച്ച നിലയിൽ കണ്ടെത്തുന്നത്. ഇന്ന് രാവിലെയാണ് സമീപത്തെ ആളൊഴിഞ്ഞ വീട്ടിലെ കിണറ്റിൽ നിന്ന് മൃതദേഹം കണ്ടെത്തിയത്.