കാർത്തിക് സുബ്ബരാജ് സൂര്യയെ നായകനാക്കി സംവിധാനം നിർവ്വഹിച്ച ചിത്രമാണ് റെട്രോ. വലിയ പ്രതീക്ഷയോടെ എത്തിയ സിനിമ സമ്മിശ്രപ്രതികരണമാണ് തിയേറ്ററിൽ നേടുന്നത്. എന്നാൽ ചിത്രം ആഗോളതലത്തിൽ 100 കോടിക്ക് മുകളിൽ കളക്ഷൻ നേടുകയും ചെയ്തു. ഇപ്പോഴിതാ സിനിമയുടെ ഒടിടി റിലീസ് സംബന്ധിച്ച റിപ്പോർട്ടുകളാണ് വരുന്നത്.
സിനിമയുടെ ഒടിടി അവകാശം നെറ്റ്ഫ്ലിക്സ് 80 കോടി രൂപ എന്ന റെക്കോർഡ് തുകയ്ക്ക് സ്വന്തമാക്കിയതായുള്ള റിപ്പോർട്ടുകൾ നേരത്തെ തന്നെ വന്നിരുന്നു. ചിത്രം ജൂൺ അഞ്ച് മുതൽ നെറ്റ്ഫ്ലിക്സിൽ സ്ട്രീം ചെയ്യുമെന്നാണ് ഒടിടി പ്ലേയുടെ പുതിയ റിപ്പോർട്ട്. എന്നാൽ ഇതിൽ ഔദ്യോഗിക സ്ഥിരീകരണം വന്നിട്ടില്ല.
ചിത്രം മെയ് ഒന്നിനായിരുന്നു തിയേറ്ററുകളിൽ എത്തിയിരുന്നത്. പൂജ ഹെഗ്‍ഡെ നായികയാവുന്ന ചിത്രത്തിൽ ജോജു ജോർജ്, ജയറാം, കരുണാകരൻ, നാസർ, പ്രകാശ് രാജ്, സുജിത്ത് ശങ്കർ, തരക് പൊന്നപ്പ, തമിഴ്, കൃഷ്‍ണകുമാർ ബാലസുബ്രഹ്മണ്യൻ, പ്രേം കുമാർ എന്നിവരും കഥാപാത്രങ്ങളായി എത്തിയിരുന്നു. ശ്രേയസ് കൃഷ്‍ണയാണ് ചിത്രത്തിൻ്റെ ഛായാഗ്രാഹണം നിർവഹിച്ചിരുന്നത്. ചിത്രത്തിൻ്റെ സംഗീത സംവിധാനം നിർവഹിച്ചത് സന്തോഷ് നാരായണനാണ്.
ജാക്കിയും മായപാണ്ടിയുമാണ് കലാസംവിധാനം നിർവഹിച്ചിരുന്നത്. വസ്ത്രാലങ്കാരം നിർവഹിച്ചിരുന്നത് പ്രവീൺ രാജ ആണ്. സ്റ്റണ്ട്സ് കെച്ച ഖംഫക്ഡേ ആണ്, 2 ഡി എൻറർടെയ്ൻ‍മെൻറ് നിർമിക്കുന്ന ചിത്രത്തിന്റെ സഹനിർമ്മാണം രാജശേഖർ കർപ്പൂരസുന്ദരപാണ്ഡ്യൻ, കാർത്തികേയൻ സന്താനം, മേക്കപ്പ് വിനോദ് സുകുമാരൻ, സൗണ്ട് ഡിസൈൻ സുറെൻ ജി, അഴകിയകൂത്തൻ, നൃത്തസംവിധാനം ഷെരീഫ് എം, കോസ്റ്റ്യൂമർ മുഹമ്മദ് സുബൈർ, സ്റ്റിൽസ് ദിനേഷ് എം, പബ്ലിസിറ്റി ഡിസൈൻസ് ടൂണെ ജോൺ, കളറിസ്റ്റ് സുരേഷ് രവി, ചീഫ് പ്രൊഡക്ഷൻ കൺട്രോളർ ബി സെന്തിൽ കുമാർ, പ്രൊഡക്ഷൻ എക്സിക്യൂട്ടീവ് ഗണേഷ് പി എസ് എന്നിവരാണ്
