വേണ്ട ചേരുവകൾ
തൈര് 1 കപ്പ്
മഞ്ഞൾ പൊടി 1 സ്പൂൺ
മുളക് പൊടി 1 സ്പൂൺ
തന്തൂരി മസാല 1/2 സ്പൂൺ
ചാറ്റ് മസാല 1 സ്പൂൺ
മല്ലി പൊടി 1 സ്പൂൺ
കുരുമുളക് പൊടി 1 സ്പൂൺ
കടലമാവ് 4 സ്പൂൺ
ഉപ്പ് 1 സ്പൂൺ
എണ്ണ 2 സ്പൂൺ
പനീർ 2 കപ്പ്
ക്യാപ്‌സിക്കം 1 എണ്ണം
ടൊമാറ്റോ 2 എണ്ണം
സവാള 1 എണ്ണം
തയ്യാറാക്കുന്ന വിധം
ആദ്യം ഒരു ബൗളിലേക്ക് ആവശ്യത്തിന് തൈര് ചേർത്ത് കൊടുത്ത് മഞ്ഞൾപൊടി, മുളകുപൊടി, ചാറ്റ് മസാല, ഗരം മസാല, തന്തൂരി മസാല, കുരുമുളകുപൊടി, എന്നിവ ചേർത്ത് കടലമാവും ചേർത്ത് ആവശ്യത്തിന് ഉപ്പും കുറച്ച് എണ്ണയും ചേർത്ത് നല്ലപോലെ ഇളക്കി യോജിപ്പിക്കുക. ശേഷം അതിലേക്ക് കട്ട് ചെയ്തു വച്ചിട്ടുള്ള പനീറും ക്യാപ്സിക്കവും തക്കാളിയും സവാളയും ചേർത്ത് മിക്സ് ചെയ്ത് യോജിപ്പിച്ചു വയ്ക്കുക. കുറച്ച് സമയം കഴിയുമ്പോൾ ഇതിനെ ഒരു കോലിലേക്ക് കുത്തിയെടുത്തതിനുശേഷം നല്ലപോലെ ചൂടായ ദോശക്കല്ല് വച്ച് കൊടുത്ത് നാല് സൈഡും നന്നായിട്ട് ഗ്രിൽ ചെയ്തെടുക്കാവുന്നതാണ്.