
ഷാഫി പറമ്പില് എംപിയെ വടകരയില് ഡിവൈഎഫ്ഐ പ്രവര്ത്തകര് തടഞ്ഞതില് പ്രതിഷേധം ശക്തമാക്കുമെന്ന് യുഡിഎഫ്. സംഭവത്തില് യുഡിഎഫ് പ്രവര്ത്തകര് ഇന്നലെ വടകരയില് പ്രതിഷേധം നടത്തിയിരുന്നു. ഇത് സംഘര്ഷത്തിലെത്തുകയും ചെയ്തു. പ്രതിഷേധത്തില് പങ്കെടുക്കാനെത്തിയ യൂത്ത് കോണ്ഗ്രസ് സംസ്ഥാന ജനറല് സെക്രട്ടറി വിപി ദുല്ഖിഫിലിന് മര്ദനമേറല്ക്കുകയും ചെയ്തിട്ടുണ്ട്. സമരസ്ഥലത്തേക്ക് വരുന്നതിനിടെ കാറില് നിന്നും ഇറക്കി പൊലീസ് ഒത്താശയോടെ ഡിവൈഎഫ്ഐ പ്രവര്ത്തകര് മര്ദിച്ചു എന്നാണ് പരാതി.
ഷാഫിയെ തടയാനുള്ള ഇടത് നീക്കം അവസാനിപ്പിച്ചില്ലെങ്കില് കോഴിക്കോട്ട് മന്ത്രിമാരോ എംഎല്എമാരോ റോഡില് ഇറങ്ങില്ലെന്ന് ലീഗ് ജില്ലാ നേതൃത്വവും മുന്നറിയിപ്പ് നല്കിയിരുന്നു.