കൊച്ചി: ഇന്ത്യയിലെ യുപിഐ-ഫസ്റ്റ് പ്ലാറ്റ്‌ഫോമുകളിലൊന്നായ സൂപ്പർ.മണി, പുതുതലമുറ യാത്രക്കാരെ ലക്ഷ്യം വച്ചുള്ള ഫ്ളൈറ്റ് ബുക്കിംഗ് സേവനമായ 'ഫ്ളൈറ്റ്സ്' ആരംഭിച്ചു. കൂടുതൽ റിവാർഡുകൾ ലഭിക്കുന്ന ഈ സേവനം ക്ലിയർട്രിപ്പ് വഴിയാണ് നടപ്പാക്കുന്നത്. ഇത് യുപിഐ വഴി ആഭ്യന്തര വിമാനങ്ങൾ സുഗമമായി ബുക്ക് ചെയ്യാൻ ഉപയോക്താക്കളെ സഹായിക്കുന്നു. അതോടൊപ്പംതന്നെ മറ്റ് ഓഫറുകൾക്ക് പുറമെ 5% കൂടുതൽ ആനുകൂല്യം കൂടി ഇത് നൽകുന്നു.
'ഫ്ളൈറ്റ്സ്' വഴി, യുപിഐ ഉപയോഗിച്ചുള്ള യാത്രാ ബുക്കിംഗുകൾക്ക് കിട്ടാവുന്ന മൂല്യം നേരിട്ട് ലഭ്യമാക്കുകയാണ് ചെയ്യുന്നതെന്ന് സൂപ്പർ.മണിയുടെ സ്ഥാപകനും സിഇഒയുമായ പ്രകാശ് സിക്കാരിയ പറഞ്ഞു. ഇന്ത്യയിലെ 85% ഡിജിറ്റൽ ഇടപാടുകളും യുപിഐ വഴിയാണ് നടക്കുന്നത് എന്ന് 2024ലെ ഐഎംഎഫ് റിപോർട്ടുകൾ പറയുന്നു. പുതുതലമുറ ആഗ്രഹിക്കുന്ന തരത്തിൽ പേയ്‌മെന്റുകൾക്ക് സുഗമമാക്കുകയാണ് സൂപ്പർ.മണി ചെയ്യുന്നത്.