കുവൈത്തില്‍ വനിതാ പൊലീസ് ഉദ്യോഗസ്ഥരുടെ അഭാവത്തില്‍ സ്ത്രീകളുടെ വാഹനം പരിശോധിക്കാന്‍ പാടില്ലെന്ന് ഒരു സുപ്രധാന വിധി പുറപ്പെടുവിച്ച് കൗണ്‍സിലര്‍ മുതബ് അല്‍-അര്‍ദിയുടെ അധ്യക്ഷതയിലുള്ള ക്രിമിനല്‍ കോടതി. ഈ നിബന്ധന ലംഘിച്ച് നടത്തുന്ന ഏതൊരു പരിശോധനയും നിയമപരമായി അസാധുവായി കണക്കാക്കപ്പെടും.
ഒരു വനിതാ ഉദ്യോഗസ്ഥയുടെ സാന്നിധ്യമില്ലാതെ നിയമപാലകര്‍ ഒരു സ്ത്രീയുടെ വാഹനം പരിശോധിച്ച കേസിലാണ് ഈ വിധി ഉണ്ടായത്. ഇതിനെത്തുടര്‍ന്ന് അറ്റോര്‍ണി ആയേദ് അല്‍ റാഷിദി വാദിച്ച പ്രതിരോധം കോടതി അംഗീകരിക്കുകയും മയക്കുമരുന്ന് കൈവശം വെച്ചുവെന്ന ആരോപണങ്ങളില്‍ നിന്ന് പ്രതിയെ കുറ്റവിമുക്തനാക്കുകയും ചെയ്തു. ഭരണഘടനാപരമായ സംരക്ഷണങ്ങള്‍ക്കും വ്യക്തിഗത സ്വകാര്യതയെ സംരക്ഷിക്കുന്ന നിയമപരമായ തത്വങ്ങള്‍ക്കും കീഴില്‍, ഒരു വാഹനം വ്യക്തിയുടെ സ്വകാര്യ ഇടത്തിന്റെ വിപുലീകരണമായി കണക്കാക്കപ്പെടുന്നു എന്ന് കോടതി നിരീക്ഷിച്ചു. അതനുസരിച്ച്, സ്ത്രീകളെയും അവരുടെ വാഹനങ്ങളെയും പരിശോധിക്കുമ്പോള്‍ വനിതാ നിയമപാലകരുടെ സാന്നിധ്യം ആവശ്യമാണ്.