കണ്ണൂര്‍ : അറേബ്യന്‍ പണ്ഡിത ഗവേഷകരോടൊപ്പം ഡോ. മുഹമ്മദ് ഫാറൂഖ് നഈമി അല്‍ ബുഖാരി നടത്തിയ ഹിജ്‌റ അന്വേഷണ പഠന സഞ്ചാരത്തിന്റെ ദൃശ്യാവിഷ്‌കാരം 'ഹിജ്‌റ എക്സ്പെഡിഷന്' ഈ മാസം 27 ന് ഞായറാഴ്ച കണ്ണൂര്‍ റബ്കോ ഓഡിറ്റോറിയത്തില്‍ നടക്കുമെന്ന് എസ് വൈ എസ് ജില്ലാ ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.
നൂറ്റാണ്ടുകള്‍ക്ക് മുമ്പ് പ്രവാചകര്‍ (സ്വ) മക്കയില്‍ നിന്ന് മദീനയിലേക്ക് പോയ ചരിത്ര പലായനമാണ് ഹിജ്‌റ.ത്യാഗങ്ങളുടെയും ഉദാത്തമായ മാനുഷിക മൂല്യങ്ങളുടെയും ചരിത്രമാണ് ഹിജ്‌റ യുടേത്. പ്രസ്തുത യാത്രയുടെ പൊരുളും വഴിയും തേടിയുള്ള അന്വേഷണ സംഘത്തോ ടൊപ്പം ചേര്‍ന്ന് അവതാരകന്‍ നടത്തിയ പഠനങ്ങളുടെ ദൃശ്യാവിഷ്‌കാരമാണ് ഹിജ്‌റ എക് സ്‌പെഡിഷന്‍. നാളെ വൈകു: 5.30 ന് തുടങ്ങുന്ന പരിപാടിയില്‍ മദ്ഹ് പാരാ യണം, ഖവാലി തുടങ്ങിയ അവതരണങ്ങള്‍ നടക്കും. കേരള മുസ്ലിം ജമാഅത്ത് സംസ്ഥാന ഉപാധ്യക്ഷന്‍ പട്ടുവം കെ പി അബൂബക്കര്‍ മുസ്ലിയാര്‍ ഉദ്ഘാടനം ചെയ്യും.
തുടര്‍ന്ന് എസ് വൈ എസ് സംസ്ഥാന വൈസ് പ്രസിഡന്റ് ഡോ. മുഹമ്മദ് ഫാറൂഖ് നഈമി അല്‍ ബുഖാരിയുടെ നേതൃത്വത്തില്‍ ഹിജ്‌റ എക്സ്പെഡിഷന് ദൃശ്യാവിഷ്‌കാരം നടക്കും.സമസ്ത കേന്ദ്ര മുശാവറ അംഗം പരിയാരം അബ്ദുറഹ്‌മാന്‍ മുസ്ലിയാര്‍, ഐ സി എഫ് യു എ ഇ നാഷണല്‍ പ്രസിഡന്റ് മുസ്തഫ ദാരിമി കടാങ്കോട്, സമസ്ത ജില്ലാ സെക്രട്ടറി പി പി അബ്ദുല്‍ ഹകീം സഅദി, കേരളാ മുസ്ലിം ജമാഅത്ത് ജില്ലാ പ്രസിഡന്റ് പികെ അലി കുഞ്ഞി ദാരിമി, എസ് വൈ എസ് ജില്ലാ സെക്രട്ടറി സമീര്‍ ചെറുകുന്ന്, എസ് എസ് എഫ് ജില്ലാ പ്രസിഡന്റ് ബിഎ അജീര്‍ സഖാഫി, എസ് ജെ എം ജില്ലാ പ്രസിഡന്റ് വിവി അബൂബക്കര്‍ സഖാഫി, എസ് എം എ ജില്ലാ സെക്രട്ടറി പികെ അബ്ദു റഹ്‌മാന്‍ മാസ്റ്റര്‍, സംബന്ധിക്കും. മുഹമ്മദ് റഫീഖ് അമാനി തട്ടുമ്മല്‍ അധ്യക്ഷത വഹിക്കും. കുടുംബങ്ങളോടൊപ്പം പരിപാടി ശ്രവി ഭാരവാഹികള്‍ അറിയിച്ചു.വാര്‍ത്താ സമ്മേളനത്തില്‍ ജില്ലാ പ്രസിഡന്റ് മുഹമ്മദ് റഫീഖ് അമാനി തട്ടുമ്മല്‍, മുസമ്മില്‍ ചൊവ്വ, നവാസ് കൂറാറ, ഡി സി യൂനുസ് എന്നിവര്‍ പങ്കെടുത്തു.