വടിവേലുവും ഫഹദ് ഫാസിലും പ്രധാന വേഷങ്ങളിൽ അഭിനയിച്ച മാരീസൻറെ റിലീസ് തീയതി കഴിഞ്ഞ ദിവസമാണ് പുറത്തുവിട്ടത്. ചിത്രത്തിൻറെ ആഗോള റിലീസ് 2025 ജൂലൈ 25 നായിരിക്കും. ആരാധകരിലും സിനിമാ പ്രേമികളെ ആവേശത്തിലാക്കി പുതിയ പോസ്റ്റർ പുറത്തിറക്കിയാണ് റിലീസ് ഡേറ്റ് പ്രഖ്യാപനം വന്നത്
സുധീഷ് ശങ്കർ സംവിധാനം ചെയ്ത മാരീസൻ ഗ്രാമീണ പശ്ചാത്തലത്തിൽ ഒരുക്കിയ ഒരു ട്രാവൽ ത്രില്ലറാണ്. ചിത്രത്തിന്റെ ക്രിയേറ്റീവ് ഡയറക്ടർ കൂടിയായ വി. കൃഷ്ണമൂർത്തിയാണ് കഥ, തിരക്കഥ, സംഭാഷണം എന്നിവ രചിച്ചിരിക്കുന്നത്.
കോവൈ സരള, വിവേക് പ്രസന്ന, സിതാര, പി.എൽ. തേനപ്പൻ, ലിവിംഗ്സ്റ്റൺ, രേണുക, ശരവണ സുബ്ബയ്യ, കൃഷ്ണ, ഹരിത, ടെലിഫോൺ രാജ് എന്നിവരുൾപ്പെടെ ശ്രദ്ധേയമായ ഒരു കൂട്ടം അഭിനേതാക്കളാണ് ഈ ചിത്രത്തിലുള്ളത്.
ചിത്രത്തിന്റെ ദൃശ്യങ്ങൾ കലൈശെൽവൻ ശിവാജി പകർത്തിയിരിക്കുന്നു, സംഗീതസംവിധാനം പ്രശസ്ത യുവൻ ശങ്കർ രാജയാണ്. എഡിറ്റിംഗ് ശ്രീജിത്ത് സാരംഗ്, കലാസംവിധാനം മഹേന്ദ്രൻ കൈകാര്യം ചെയ്യുന്നു.
സൂപ്പർ ഗുഡ് ഫിലിംസിന്റെ ബാനറിൻറെ 98-ാമത്തെ ചിത്രമായ മാറീസൺ പ്രശസ്ത സംവിധായകൻ ആർബി ചൗധരിയാണ് നിർമ്മിച്ചിരിക്കുന്നത്. എ പി ഇന്റർനാഷണൽ ആണ് ചിത്രത്തിന്റെ ലോകമെമ്പാടുമുള്ള അവകാശങ്ങൾ സ്വന്തമാക്കിയത്.
നേരത്തെ പുറത്തിറങ്ങിയ മാരീസന്റെ ടീസർ ഇതിനകം തന്നെ ഓൺലൈനിൽ തരംഗങ്ങൾ സൃഷ്ഠിച്ചുകഴിഞ്ഞു . 4 ദശലക്ഷത്തിലധികം പേരാണ് ടീസർ ഇതിനകം കണ്ടത് . ചിത്രത്തിന്റെ തിയേറ്റർ റിലീസിനായി വലിയ പ്രതീക്ഷയാണ് സൃഷ്ടിച്ചിരിക്കുന്നത്.
