ആവശ്യമായ ചേരുവകൾ
പനീർ – 200 ഗ്രാം
ഇഞ്ചി-വെളുത്തുള്ളി പേസ്റ്റ് – 1 ടേബിൾസ്പൂൺ
തൈര് – 2 ടേബിൾസ്പൂൺ
വെണ്ണ – 1 ടേബിൾസ്പൂൺ
മുളകുപൊടി – 2 ടീസ്പൂൺ .
കുരുമുളകുപൊടി – 1/2 ടീസ്പൂൺ
ഗരംമസാല – 2 ടീസ്പൂൺ
മഞ്ഞൾപൊടി – 1 നുള്ള്
ഉപ്പ് – ആവശ്യത്തിന്
തയ്യാറാക്കുന്ന വിധം
ആദ്യംതന്നെ പനീർ ചെറിയ കഷ്ണങ്ങളായി മുറിച്ച് വയ്ക്കുക. തൈരിലേക്ക് മുളകുപൊടി, കുരുമുളകുപൊടി, ഗരംമസാല, മഞ്ഞൾപൊടി, ഇഞ്ചി-വെളുത്തുള്ളി പേസ്റ്റ്, ഉപ്പ് എന്നിവ ചേർത്ത് നന്നായി യോജിപ്പിച്ച് പേസ്റ്റ് രൂപത്തിലാക്കുക. ഈ മിശ്രിതത്തിലേക്ക് പനീർ ഇട്ട് കുറഞ്ഞത് 20 മിനിറ്റ് വയ്ക്കുക. ശേഷം ഒരു നോൺ സ്റ്റിക്ക് പാനിൽ 1 ടേബിൾ സ്പൂൺ വെണ്ണ ചൂടാക്കി, അതിലേക്ക് പനീർ കഷ്ണങ്ങൾ ഓരോന്നായി ഇടാം. ചെറുതീയിൽ ഇരുവശവും ബ്രൗണ് നിറമാകുന്നവരെ ഇത് മൊരിച്ചെടുത്താൽ കൊതിയൂറുന്ന പനീര് ടിക്ക റെഡി.
