കൊച്ചി :2.63 ഗ്രാം എംഡിഎംഎയും 3.76 ഗ്രാം ഹാഷിഷ് ഓയിലുമായി റെയില്‍വേ ടിടിഇ കൊച്ചി സിറ്റി ഡാൻസാഫിന്റെ പിടിയിലായി.എളമക്കര എളവുങ്കല്‍ വീട്ടില്‍ അഖില്‍ ജോസഫി (35) നെയാണ് ബുധനാഴ്ച ബോള്‍ഗാട്ടി ബസ് സ്റ്റോപ്പിന് സമീപത്ത് നിന്ന് അറസ്റ്റ് ചെയ്തത്.
റെയില്‍വേയുടെ എറണാകുളം മേഖലയിലെ ടിടിഇ ആണ് അഖില്‍. ഒരുവർഷത്തോളമായി പോലീസിന്റെ നിരീക്ഷണത്തിലായിരുന്നു. ലഹരി ഉപയോഗത്തെക്കുറിച്ച്‌ പൊതുജനങ്ങള്‍ക്ക് വിവരം നല്‍കാനുള്ള ഫോണ്‍ നമ്ബർ വഴി മാസങ്ങള്‍ക്ക് മുൻപ് അഖിലിനെക്കുറിച്ചുള്ള വിവരം ഡാൻസാഫിന് കിട്ടിയിരുന്നു.
