രുചിയും ഗുണവുമുള്ള മീൻ കട്ലറ്റ്

രുചികരമായ മീൻ കട്ലറ്റ് എളുപ്പത്തിൽ തയ്യാറാക്കുന്നതിനുള്ള പാചകരീതി
ചേരുവകകൾ

    മീൻ (വലുത്)-250 ഗ്രാം
    ബ്രഡ് പൊടി‌-250 ഗ്രാം
    ബ്രഡ്- 2 സ്ലൈസ്
    സാവാള-2 എണ്ണം
    പച്ചമുളക്-2 എണ്ണം
    മുട്ട-1 എണ്ണം
    ഉപ്പ്-പാകത്തിന്
    ഇഞ്ചി-ചെറിയ കഷണം

ഉണ്ടാക്കേണ്ടവിധം

    പച്ചമുളക്, ഉള്ളി, ഇഞ്ചി എന്നിവ കൊത്തിയരിഞ്ഞ് എണ്ണയിൽ നല്ലവണ്ണം വഴറ്റി എടുക്കണം. മീൻ ഉപ്പുവെള്ളത്തിൽ വേവിച്ച് എടുക്കുക.
    പിന്നീട് മീനിൻറെ തൊലിയും മുള്ളും കളഞ്ഞ് വളരെ ചെറുതായി നുറുക്കിയെടുക്കണം.
    ഇത് വഴറ്റിയെടുത്ത ചേരുവകളുമായി യോജിപ്പിക്കുക.
    ഇതിലേക്ക് ബ്രഡ് സ്ലൈസുകൾ വെള്ളത്തിൽ മുക്കിപ്പിഴിഞ്ഞ് നന്നായി യോജിപ്പിക്കണം.
    ഇനി ഈ മിശ്രിതം കട്‌ലറ്റിൻറെ ആകൃതിയിൽ ഉരുട്ടി എടുക്കണം.
    ഇനി ഓരോന്നായി അടിച്ച മുട്ടയിൽ മുക്കി ബ്രഡ് പൊടിയിൽ പൊതിഞ്ഞ് എണ്ണയിൽ പൊരിച്ച് ഉപയോഗിക്കാം.