യുഎഇയില്‍ കനത്ത മൂടല്‍മഞ്ഞിന്റെ സാഹചര്യത്തില്‍ അബുദാബി, അല്‍ഐന്‍, അല്‍ ദഫ്ര പ്രദേശങ്ങളില്‍ റെഡ്, യെല്ലോ അലര്‍ട്ടുകള്‍ പ്രഖ്യാപിച്ച് കാലാവസ്ഥാ വകുപ്പ്. ഇന്ന് രാവിലെ 10 മണി വരെയും മൂടല്‍ മഞ്ഞ് തുടരും. അല്‍ ഐനിലെ റെമാ, അല്‍ വിഖാന്‍, സാബ പ്രദേശങ്ങളിലാണ് റെഡ്, യെല്ലോ അലര്‍ട്ടുകള്‍ പുറപ്പെടുവിച്ചിരിക്കുന്നത്. അബുദാബിയിലെ അല്‍ വത്ബ, സീഹ് അല്‍ ഹമ, സ്വീഹാന്‍ എന്നിവിടങ്ങളിലും അബുദാബിയിലേക്കുള്ള അല്‍ സാദ് പാലം, ബു കിരയ്യ, അല്‍ ഫയ പ്രദേശങ്ങളിലും മൂടല്‍മഞ്ഞ് റിപ്പോര്‍ട്ട് ചെയ്തിട്ടുണ്ട്.
അല്‍ ദഫ്രയിലെ മദീന സായിദ്, ജിസായ്റ പ്രദേശങ്ങളിലും മഞ്ഞ് മൂടിയ കാലാവസ്ഥയാണ്.
രാത്രിയിലും ഈര്‍പ്പമേറിയ കാലാവസ്ഥയായിരിക്കുമെന്നും നാളെയും ചില തീരപ്രദേശമേഖലകളില്‍ ഉള്‍പ്പടെ മഞ്ഞ് രൂപപ്പെടാനുള്ള സാധ്യത കൂടുതലാണെന്നും കാലാവസ്ഥ വകുപ്പ് അറിയിച്ചു.
